काठमाण्डौ,कार्तिक २४
आइसिसी यु–१९ महिला टि–२० विश्वकप
एसिया छनोटको तेस्रो खेलमा नेपाल युएई सँग पराजित भएको छ।
युनाइटेड अरब इमिरेट्स (युएई)को
अजमानस्थित द सेभेन रंगशालामा आज भएको खेलमा घरेलु टोली युएईले नेपाललाई १३ रनले
हराएको हो।
युएईले दिएको १२३ रनको लक्ष्य
पछ्याएको नेपालले निर्धारित २० ओभरमा ५ विकेट गुमाएर एक सय नौ रन मात्रै बनाउन
सक्यो।
एसिया छनोटमा
नेपालको यो पहिलो हार हो।
यसअघि नेपालले दुई खेल जितेको थियो ।
पहिलो खेलमा नेपालले थाइल्याण्डलाई ६७ रनको फराकिलो अन्तरले पराजित गरेको थियो ।
दोस्रो खेलमा नेपालले कुवेतलाई एक सय आठ रनले हराएको थियो ।
नेपालले आइतबार थाइल्याण्डसँग चौथो
खेल खेल्नेछ ।
२३ कार्तिक २०८१, शनिवार ०५:२५ मा प्रकाशित
