सुभेष सिनाल
काठमाण्डौं, जेठ २३
टि२० विश्वकप २०२४ को पहिलो खेलमा नेपाल नेदरलैण्ड्ससंग पराजित भएको छ । अमेरिकामा हिजो राति भएको खेलमा खराब ब्याटिंग गरे पछि नेपालले प्रतियोगितामा सुखद शुरुवात गर्न सकेन । टस हारेर पहिले ब्याटिंग गरेको नेपालले पुरै २० ओभर ब्याटिंग गर्न सकेन । कप्तान रोहितकुमार पौडेलले ५ चौका सहित ३५ रन बनाउनु बाहेक विशेषज्ञ ब्याटरहरुले रन बनाउन सकेनन् । अन्तिम तिर गुलशन झाले १४ र करण केसीले १७ रन बनाएर नेपालको स्कोरलाई जसोतसो सय रन पारि पुगाए । ओपनर कुशल भुर्तेल ७, आसिफ सेख ४, तेस्रो नम्बरका अनिल शाह ११ रन बनाए आउट भए पछि नेपाल बवादमा परेको थियो । कुशल मल्लले ९ रन मात्र बनाउन सके भने दिपेन्द्रसिंह ऐरीले १ रन मात्र जोड्न सके ।
नेदरलैण्डसका लागि टिम प्रिंगेल र लोगान भान वीकले ३,३ विकेट लिए । यस्तै पौल भान मिकरन र डी लिदेले २,२ विकेट लिए ।
१०७ रनको सामान्य लक्ष्य पछ्याउन मैदानमा आएको नेदरलैण्ड्सलाई दोस्रो ओभरमा पहिलो झडका दिदै नेपालले खेलमा फर्किने कोशिष गर्यो । नेपाली बलरहरुले सामान्य लक्ष्यलाई जोगाउन १९ औ ओभर सम्म खेललाई लग्न निकै कसिलो बलिंग गरे पनि विकेट भने लिन सकेनन् । नेदरलैण्ड्सका ओपनर मैक्स वो वुडले नट आउट ५४ रन बनाएर टिमलाई जित सम्म पुगाए र यस्तै विक्रमजित सिंहले २२ सेब्रान्ड इन्गलबर्डले १४ रन बनाए ।
नेपालका तर्फबाट सोमपाल कामीले ४ ओभरमा १८ रन खर्चेर १ विकेट लिए । यस्तै दिपेन्द्र सिंह ऐरीले २ ओभरमा ६ रन खर्चेर १ विकेट लिए भने अविनाश बोहराले ३.४ ओभरमा २९ रन खर्चेर १ विकेट लिए ।
१८ औ ओभरमा नेदरलैण्डलाई जितको लागि १८ बलमा १९ रन बनाउन बाकि रहेको बेला सोमपाल कामीको बलमा लगातार दुई पटक मैक्सवुडको क्याच कप्तान रोहितकुमार पौडेलको हातबाट छुटेपछि नेपालले खेलमा फर्किन सकेन ।
नेपालले अव अर्को खेल दक्षिण अफ्रिका विरुद्ध ८ जुनमा खेल्ने छ ।
विश्वकपमा हिजो स्कटलैण्ड र इग्लैण्डको विचको खेल भने बर्षाका कारण रद्ध भएको थियो
खराब ब्याटिंग गरे पनि पहिलो खेलमा नेपाल पराजित
सुभेष सिनाल
काठमाण्डौं, जेठ २३
टि२० विश्वकप २०२४ को पहिलो खेलमा नेपाल नेदरलैण्ड्ससंग पराजित भएको छ । अमेरिकामा हिजो राति भएको खेलमा खराब ब्याटिंग गरे पछि नेपालले प्रतियोगितामा सुखद शुरुवात गर्न सकेन । टस हारेर पहिले ब्याटिंग गरेको नेपालले पुरै २० ओभर ब्याटिंग गर्न सकेन । कप्तान रोहितकुमार पौडेलले ५ चौका सहित ३५ रन बनाउनु बाहेक विशेषज्ञ ब्याटरहरुले रन बनाउन सकेनन् । अन्तिम तिर गुलशन झाले १४ र करण केसीले १७ रन बनाएर नेपालको स्कोरलाई जसोतसो सय रन पारि पुगाए । ओपनर कुशल भुर्तेल ७, आसिफ सेख ४, तेस्रो नम्बरका अनिल शाह ११ रन बनाए आउट भए पछि नेपाल बवादमा परेको थियो । कुशल मल्लले ९ रन मात्र बनाउन सके भने दिपेन्द्रसिंह ऐरीले १ रन मात्र जोड्न सके ।
नेदरलैण्डसका लागि टिम प्रिंगेल र लोगान भान वीकले ३,३ विकेट लिए । यस्तै पौल भान मिकरन र डी लिदेले २,२ विकेट लिए ।
१०७ रनको सामान्य लक्ष्य पछ्याउन मैदानमा आएको नेदरलैण्ड्सलाई दोस्रो ओभरमा पहिलो झडका दिदै नेपालले खेलमा फर्किने कोशिष गर्यो । नेपाली बलरहरुले सामान्य लक्ष्यलाई जोगाउन १९ औ ओभर सम्म खेललाई लग्न निकै कसिलो बलिंग गरे पनि विकेट भने लिन सकेनन् । नेदरलैण्ड्सका ओपनर मैक्स वो वुडले नट आउट ५४ रन बनाएर टिमलाई जित सम्म पुगाए र यस्तै विक्रमजित सिंहले २२ सेब्रान्ड इन्गलबर्डले १४ रन बनाए ।
नेपालका तर्फबाट सोमपाल कामीले ४ ओभरमा १८ रन खर्चेर १ विकेट लिए । यस्तै दिपेन्द्र सिंह ऐरीले २ ओभरमा ६ रन खर्चेर १ विकेट लिए भने अविनाश बोहराले ३.४ ओभरमा २९ रन खर्चेर १ विकेट लिए ।
१८ औ ओभरमा नेदरलैण्डलाई जितको लागि १८ बलमा १९ रन बनाउन बाकि रहेको बेला सोमपाल कामीको बलमा लगातार दुई पटक मैक्सवुडको क्याच कप्तान रोहितकुमार पौडेलको हातबाट छुटेपछि नेपालले खेलमा फर्किन सकेन ।
नेपालले अव अर्को खेल दक्षिण अफ्रिका विरुद्ध ८ जुनमा खेल्ने छ ।
विश्वकपमा हिजो स्कटलैण्ड र इग्लैण्डको विचको खेल भने बर्षाका कारण रद्ध भएको थियो
