काठमाडौं, पुस २५
इन्डो–नेपाल रनिङ शिल्ड भलिबल च्याम्पियनशिपको उपाधीका लागि आज दुई
विभागीय टोली त्रिभुवन आर्मी र नेपाल पुलिस क्लब खेल्दैछन् ।
मणिमुकुन्द भलिबल क्लबलाई हराउँदै
आर्मी फाइनलमा पुगेको हो भने पुलिसले भारतको गुजरात स्टेट भलिबल एसोसिएनलाई
हराउँदै फाइनलमा स्थान बनाएको हो ।
दोस्रो सेमिफाइनलमा आर्मी र मणीमुकुन्द क्लब खेल्दा चिसोका कारण खेल
स्थगित भएको थियो ।
यो खेल हिजो भएपछि हिजैका लागि तय
भएको फाइनल खेल आजलाई सरेको हो । तेस्रो स्थानका लागि पनि आजै खेल हुनेछ ।
इन्डो–नेपाल भलिबलको विजेताले सात
लाख, उपविजेताले तीन लाख ५० हजार, तेस्रो हुनेले एक लाख ७५ हजार र
चौथो हुने टोलीले एक लाख रुपैयाँ पुरस्कार पाउनेछन् ।
२४ पुस २०८१, बिहिबार ०७:४३ मा प्रकाशित
