लुम्बिनी , चैत २३
लुम्बिनी प्रदेशको मुख्यमन्त्रीमा माओवादी संसदीय दलका नेता
जोखबहादुर महरा नियुक्त भएका छन् ।
प्रदेश प्रमुख अमिक शेरचनले महरालाई
मुख्यमन्त्री नियुक्त गरेका हुन् । माओवादी संसदीय दलका नेता महराले शुक्रबार
मात्र बहुमत सांसदको हस्ताक्षरसहित मुख्यमन्त्रीमा दावी पेश गरेका थिए ।
केन्द्रमा सत्ता गठबन्धन फेरिएसँगै
प्रदेशमा पनि अल्पमतमा परेका निवर्तमान मुख्यमन्त्री डिल्ली चौधरीले बहुमत जुटाउन
नसकेपछि बिहीबार राजिनामा दिएका थिए । त्यस लगतै प्रदेश प्रमुखले दुई वा दुई भन्दा
बढी दलको समर्थनमा सरकार गठनका लागि दाबी पेश गर्न आह्वान गरेका थिए ।
लुम्बिनीमा माओवादी केन्द्रका १०
प्रदेश सदस्य छन् । गठबन्धनमा भएको भागबन्डाअनुसार महरालाई एमाले (२९), जसपा (३), एकीकृत समाजवादी (१) र स्वतन्त्र सांसद
खड्ग बस्नेतले समर्थन गरेका छन् ।
२२ चैत २०८०, शुक्रबार ०४:४३ मा प्रकाशित
