काठमाण्डौ, चैत २३
नेपालको ‘ए’ टिमले आयरल्याण्ड
वुल्भ्ससँग आज दोस्रो एकदिवसीय क्रिकेट खेल्दैछ , भने भारतमा चलिरहेको
एसएमएस फ्रेन्डशिप कप टी–२० क्रिकेट शृङ्खलामा नेपाल र बरोडाबीच पनि आजै खेल हुँदैछ ।
नेपालको ‘ए’ टिम र
आयरल्याण्ड वुल्भ्ससँग आज दोस्रो एकदिवसीय क्रिकेट खेल त्रिवि क्रिकेट मैदान कीर्तिपुरमा बिहान साढे ९ बजेदेखि सुरू हुनेछ
भने एसएमएस फ्रेन्डशिप कप टी–२० क्रिकेट खेल गुजरातमा नेपाली समय अनुसार आज दिउँसो पौने ३ बजे शुरु हुनेछ ।
एकदिवसीय सिरिजको पहिलो खेलमा नमिठो
हार ब्यहोरेको नेपाल ‘ए’ आजको खेल जितेर
अंक बराबरी पार्ने लक्ष्यमा हुनेछ । पहिलो खेलमा १५८ रनको सामान्य लक्ष्य पाएपनि
नेपाल २५.३ ओभरमा १३६ रनमात्रै बनाएर अल आउट भएको थियो ।
त्यस्तै भारतमा चलिरहेको एसएमएस फ्रेन्डशिप कप
टी–२० क्रिकेटमा यसअघि नै नेपाल लगातार तेस्रो जित हात पार्दै एक खेलअघि नै फाइनलमा पुगिसकेको छ ।
अस्ति बुधवार भएको खेलमा नेपालले गुजरातलाई ८ रनले हराएको थियो ।
एकदिवसीय सिरिजको
अन्तिम खेल आइतबार हुनेछ । टी–२० क्रिकेट शृङ्खलाको फाइनल खेल पर्सि आइतवार हुनेछ
।
एकदिवसीय सिरिजको कप्तानी पनि विनोद भण्डारी र टी–२० क्रिकेट शृङ्खलाको कप्तानी राेहित पाैडेलले गरेका छन् ।
