काठमाडौँ,कार्तिक
२०
आइसिसी पुरुष विश्वकप क्रिकेट लिग–२ को
त्रिकोणात्मक शृङ्खलाअन्तर्गत स्कटल्यान्ड र नेपालबीचको खेल रद्द भएको छ ।
राष्ट्रिय मौसम विभागका अनुसार अमेरिकी समय
दिउँसो १ देखि ४ बजेसम्म आधिहुरीको सम्भावना छ । जसको कारण खेल रद्द भएको हो ।
अमेरिकाको डालसस्थित ग्राउण्ड प्रेरी क्रिकेट रङ्गशालामा टस हारेर
पहिला ब्याटिङको निम्तो पाएको नेपालले १ ओभरमा २ रन बनाएपछि वर्षा भएको थियो ।
वर्षाका कारण रोकिएको खेल सुरु भएर छ ओभर खेलेपछि मौमस प्रतिकूल भइ
पुनः रोकिएको थियाे ।
पहिला ब्याटिङ गरेको नेपालले छ ओभरको खेलमा १ विकेट गुमाउँदै २६ रन
बनाएपछि पुनः भएको वर्षाका कारण खेल रोकिएको हो ।
योसँगै दुबै टोलीले १-१ अंक
बाँडेका छन् ।
१९ कार्तिक २०८१, मङ्गलबार ०५:२९ मा प्रकाशित
