काठमाडौँ, साउन १९
नेपालको महिला राष्ट्रिय भलिबल टोली र पुरूष राष्ट्रिय भलिबल टोली भुटानमा जारी काभा बीच भलिबल च्याम्पियनसिपको फाइनलमा पुगेको छ । महिलातर्फ कमला पुन र मनिषा चौधरीको जोडी र पुरुषतर्फ मानबहादुर श्रेष्ठ र दिलबहादुर सुनारको जोडीले फाइनलको यात्रा तय गरेको हो ।
भुटानको
राजधानी थिम्पुमा आज भएको महिला तर्फको सेमिफाइनल खेलमा पुन र चौधरीको जोडीले
उज्वेकिस्तानका खेलाडीलाई २–० सोझो सेटमा पराजित गरेको हो। नेपालले
उज्वेकिस्तानलाई २१–१३ र २१–१२ अङ्कले हराएको हो ।
यस्तै आज भएको पुरूष तर्फ सेमिफाइनल खेलमा श्रेष्ठ र सुनारको जोडीले माल्दिभ्सका
खेलाडीलाई २–० सोझो सेटमा पराजित गरेको हो । नेपालले माल्दिभ्सलाई २१–१० र २१–१६ अङ्कले हराएको हो ।
१८ साउन २०८१, शनिवार ११:५२ मा प्रकाशित
