काठमाण्डौ, असार ३०
चेल्सीले दोस्रो पटक फिफा क्लब विश्वकपको उपाधि जितेको छ। टोलीले १३ मे मा मेटलाइफ स्टेडियममा खेलिएको फाइनलमा फ्रान्सेली क्लब पेरिस सेन्ट-जर्मेन (पीएसजी) लाई ३-० ले पराजित गरेको हो।
चेल्सीका लागि कोल पामरले दुई गोल गरे। पामरले २२ औं मिनेटमा पहिलो गोल गरे। ८ मिनेटपछि उनले टोलीको लागि दोस्रो गोल गरे। ३० औं मिनेटमा चेल्सीको अग्रता २-० मा बढेको थियो। पहिलो हाफको अन्त्यमा चेल्सीले तेस्रो गोल पनि गरे। जोआओ पेड्रोले ४३ औं मिनेटमा तेस्रो गोल गरे।
यसअघि चेल्सीले २०२१ मा पनि उपाधि जितेको थियो। यस पटक प्रतियोगिता फरक ढाँचामा आयोजना गरिएको थियो। यसमा ३२ टोलीले भाग लिएका थिए र यो जुन १४ मा सुरु भएको थियो। २००० मा सुरु भएको यस प्रतियोगितामा गत वर्षसम्म ८ टोलीले मात्र भाग लिएका थिए।
२९ असार २०८२, सोमबार ०८:५२ मा प्रकाशित
