विराटनगर , चैत २४
आठौं संस्करणको विराट गोल्डकप
फुटबलको उपाधिका लागि आज ए डिभिजन टोली मछिन्द्र क्लब एफसि काठमाडौँ र घरेलु टिम साङ्ग्रिला मोरङ एफए खेल्दैछन् । फाइनल खेल विराटनगरको शहिद रङ्गशालामा बेलुका ^M$% बजे शुरु हुनेछ ।
साङ्ग्रिलाले इटहरी गोल्ड कपको च्याम्पियन चर्च ब्वाईज
युनाइटेड र पाहुना टोली भुटानको आरटिसि एफसीलाई हराउँदै फाइनलमा प्रवेश गरेको हो ।
साङ्ग्रिलाले क्वाटरफाइलनमा भुटानको आरटिसिलाई ३–० गोलले र सेमिफाइनलमा चर्च ब्याइजलाई सडनडेथमा ४–३
गोलले हराउँदै उपाधि नजिक पुगेको हो ।
विराट गोल्ड कपको पहिलो पटक फाइनलमा पुगेको मच्छिन्द्रले
क्वाटर फाइनलमा कोलकाता साउर्थन समिति २–१ गोलले
पन्छाउँदै अन्तिम चारको यात्रा गरेको थियो । सेमिफाइनलमा मच्छिन्द्रले सिक्किम
ड्रागान भारतलाई १–० गोलले हराएर फाइनलमा स्थान पक्का गरेको हो ।
चैत १५ देखि जारी प्रतियोगितामा विदेशी तीन टिमसहितका स्वदेशी
‘ए’ डिभिजनका १० टिमको सहभागी रहेको विराट गोल्ड कप फुटबल ट्रस्टका अध्यक्ष किशोर
बहादुर शाहीले जानकारी दिए । गोल्ड कपको विजेताले ११ लाख र उपबिजेताले ५ लाख ५०
हजार रुपैयाँ पाउनेछन् । उत्कृष्ट प्रशिक्षकलाई, उत्कृष्ट गोलरक्षकलाई, सर्वाधिक गोलकर्तालाई जनही २१
हजार रुपैयाँ पुरस्कार प्रदान गरिनेछ ।
