काठमाण्डाैं, असार ८
आइसिसी टी-२० विश्वकपमा दक्षिण अफ्रिकाले अपराजित यात्रा कायम
राखेको छ ।
गएराति
इंग्ल्याण्डलाई पराजित गर्दै दक्षिण अफ्रिकाले लगातार छैटौं जित निकालेको हो ।
सुपर
आठको दोस्रो खेलमा इंग्ल्याण्डमाथि ७ रनको रोमाञ्चक जित निकाल्दै दक्षिण अफ्रिकाले
सेमिफाइनल सम्भावना बलियो बनाएको छ ।
यसअघि
समूह चरणका चारै खेल जितेको दक्षिण अफ्रिकाले सुपर आठको पहिलो खेलमा अमेरिकालाई
पराजित गरेको थियो ।
गएराति
सुपर आठको दोस्रो खेलमा दक्षिण अफ्रिकाले दिएको १६४ रनको लक्ष्य पछ्याएको
इंग्ल्याण्डले ६ विकेट गुमाएर १५६ रनमात्रै बनायो ।
इंग्ल्याण्डका
लागि ह्यारी ब्रुकले अर्धशतक हाने। उनले ३७ बलमा ७ चौका प्रहार गरी ५३ रन बनाए ।
बलिङतर्फ दक्षिण अफ्रिकाका कगिशो रबाडा र केशव महाराजले २/२ तथा
ओटनेल बार्टमन र एनरिच नोर्त्जीले १/१ विकेट लिए।
पहिले ब्याटिङ गरेको दक्षिण अफ्रिकाले ६ विकेट गुमाएर १६३ रन
बनाएको थियो ।
त्यस
क्रममा ओपनर क्वीन्टन डिककले अर्धशतक हाने
। उनले
३८ बलमा ४ चौका र ४ छक्का प्रहार गर्दै ६५ रन बनाए ।
डेविड मिलरले २८ बलमा ४ चौका र २ छक्का हानेर ४३ रन जोडे ।
बलिङतर्फ इंग्ल्याण्डका जोफ्रा आर्चरले तीन तथा मोइन अली र अदिल
रसिदले १/१ विकेट लिए।
सुपर
आठमा दक्षिण अफ्रिकाले वेस्ट इण्डिजसँग र इंग्ल्याण्डले अमेरिकासँग अन्तिम खेल
खेल्नेछ ।
