सेमिफाइनल पुग्न अफगानिस्तानलाई चमत्कारी जितको आवश्यकता
खेलकुद, कार्तिक २४
एकदिवसीय विश्वकप क्रिकेटको सेमिफाइनल पुग्न झिनो सम्भावना बाकी रहेको अफगानिस्तानले आज तालिकाको दोस्रो स्थानमा रहेको दक्षिण अफ्रिकासंग खेल्दैछ । सेमिफाइनलमा आफ्नो स्थान सुरक्षित बनाउन अफगानिस्तानलाई जित मात्र प्रयाप्त हुने छैन । उसले चौथो स्थानमा रहेको न्युजिलैण्डको भन्दा राम्रो रनरेट बनाए पछि पनि पाकिस्तान र इंग्लैण्डको नतिजा कुर्नु पर्नेछ । आफु अनुकुल नतिजा ल्याउन आज अफगानिस्तानले दक्षिण अफ्रिकालाई ४३८ रनको अन्तरमा पराजित गर्नु पर्नेछ । अफगानिस्तान र दक्षिण अफ्रिका विच अहिले सम्म एउटा टि२० र दुइ वटा एकदिवसीय खेल मात्र भएको छ । जसमा दक्षिण अफ्रिकालाई अफगानिस्तानले पराजित गर्न सकेको छैन ।
तर जारि प्रतियोगितामा तिन पटक अप्रत्यासित नतिजा निकालेको अफगानिस्तानको हौसला भने बलियो छ । अफगानिस्तानले यो विश्वकपमा पुर्वविश्व च्याम्पियन इंग्लैण्ड, पाकिस्तान र श्रीलंकालाई पराजित गरिसकेको छ । क्रिकेट अनिश्चितताको खेल भएकोले अफगानिस्तानले अझै पनि आशा भने मारेको छैन । अर्को तर्फ विश्वकपमा सधै चोकर्स अर्थात अभागीको उपनाम पाएको दक्षिण अफ्रिका आफु माथिको दाग हटाउदै विश्वकप जित्ने लक्ष्यका साथ मैदानमा उत्रिने छ । यही विश्वकपमा दक्षिण अफ्रिका नेदरलैण्ड सम्म अप्रत्यासित नजिता सुम्पिदै स्तब्ध भएको थियो । यदपी दक्षिण अफ्रिकाले पहिले नै सेमिफाइनलमा स्थान बनाइसकेको छ ।
समुह चरणमा अहिले भारत पहिलो स्थानमा छ भने दक्षिण अफ्रिका दोस्रो, अस्ट्रेलिया तेस्रो र न्युजिलैण्ड चौथो स्थानमा छन । पाचौं स्थानमा रहेको पाकिस्तानले पनि ठुलो अन्तरको जित हासिल पारेमा सेमिफाइनलमा आफ्नो स्थान बनाउन सक्छ । त्यसको लागि पाकिस्तानले भोली इंग्लैण्डलाइ २८७ रनको अन्तरमा पराजित गर्नु पर्नेछ ।
यो विश्वकपमा धेरै धेरै रन बन्ने र अप्रत्यासित नतिजाहरु आइरहेकोले खेलको रोमान्च अन्तिम सम्म कायम रहेको छ ।
