सुनसरी , असार २१
व्यवसायमा संलग्न भएका र
हुन चाहनेहरूका लागी रेमी परियोजना रोजगार शाखा रामधुनीले प्रविधि उपकरण
हस्तान्तरण गरेको छ । वैदेशिक रोजगारबाट फर्किएका र केही व्यवसाय गर्न चाहानेहरूलाइ रोजगार शाखा
रामधुनीले प्रविधि उपकरण हस्तान्तरण गरेको हो । परियोजनाले वैदेशिक
रोजगारबाट फर्किएका आएका व्यक्तिहरूको पुनएकीरण रेमी परियोजना अन्तर्गत उद्यमशीलता
कुखुरा पालन ,माछा पालन र बाख्रा पालन
सम्बन्धी तालिम लिएकाहरू तथा व्यवसाय सुरु गर्ने योजना बनाएकाहरू ११ जनालाई प्रविधि
हस्तान्तरण गरिएको रोजगार शाखा संयोजक खगेन्द्र सुब्बाले बताउनु भयो ।
रामधुनी नगरपालिकामा परियोजनाले वैदेशिक रोजगारका क्रममा मृत्यु भएकाहरूको परिवार तथा रोजगारबाट फर्केर ब्यावसाय गर्नेहरूलाई डीप फ्रिज , मोटर पानी टाङकी, घाँस काट्ने मेसिन , बेसार पिस्ने मेसिन , कुखुराले चारो खाने सामान , माछा पोखरीमा पानी हाल्ने मेसिन लगायत २ लाख ७५ हजारको लागतमा प्रविधि हस्तान्तरण गरेको हो ।
