काठमाडौँ, असार १६
साबिक विजेता इटाली युरो कप २०२४ को अन्तिम १६ बाट नै बाहिरिएको छ
। शनिबार भएको खेलमा इटाली स्विट्जरल्यान्ड सँग २–० ले स्तब्ध बनेको हो ।
खेलमा ३७ औँ मिनेटमा रेमो फ्रेउलरले
गोल गर्दै स्वीस टोलीलाई अग्रता दिलाएका थिए । दोस्रो हाफको सुरुवातमा नै रुबेन
भारगासले गोल गर्दै टोलीको अग्रता दोब्बर बनाए । खेलमा स्वीस टोलीले पूर्ण नियन्त्रण बनाएको थियो । इटालीले विपक्षीको
पोस्टमा पहिलो प्रहर गर्न ७३ औँ मिनेटसम्म पर्खनुपरेको थियो ।
त्यसपछि भने कुनै गोल हुन सकेन ।
योसँगै इटाली प्रतियोगिताबाट बाहिरिन बाध्य बन्यो भने स्विट्जरल्यान्ड
क्वार्टरफाइनलमा प्रवेश गरेको छ । अब टोलीले इंग्ल्यान्ड र स्लोभाकियाबिचको
विजेतासँग भिड्नेछ ।
१६ असार २०८१, आईतबार १२:१३ मा प्रकाशित
