सुनसरी माघ २८
सुनसरी प्रहरीले ठूलो परिमाणमा गाँजा सहित ३ वटा भारतीय गाडी र १४ जनालाई नियन्त्रणमा लिएको छ । प्रहरीले धरान उपमहानगरपालिका १३ जिरो पोइन्टमा धनकुटाबाट धरान तर्फ आउँदै गरेको सवारी साधनहरूलाई चेकजाँच गर्ने क्रममा ३ वटा भारतीय गाडी सहित गाँजा बरामद गरेको सुनसरी प्रहरी प्रवक्ता नवीन कृष्ण भण्डारीले बताउनु भयो । प्रहरीले BR10P9154 नम्बरको सेतो बोलेराेमा ५०केजी गाँजा, MP17TA0512 नम्बरको सेतो बोलेरोमा ९९ केजी लागु औषध गाँजा गरी जम्मा १ सय ४९ के.जी लागु औषध गाँजा र सोही कार्यमा संलग्न BR10AJ4486 नम्बरको रातो कार सहित जम्मा १४ जना लाई नियन्त्रणमा लिई कानूनी कारबाही तथा थप अनुसन्धान कार्य अघि बढाएकाे जनाएको छ ।यस अघि हिजाे मात्र सुनसरी प्रहरीले ६१ के.जी गाँजा सहित २ टेम्पु र चालकलाइ नियन्त्रणमा लिएकाे जनाएकाे छ ।
२७ माघ २०८०, आईतबार १०:१८ मा प्रकाशित
