काठमाडौँ, असार ३०
निर्धारित ९० मिनेटको खेल २-२ को बराबरीमा
टुंगिएपछि खेलको नतिजा टाइब्रेकरबाट लिइएको थियो । उरुग्वेले ४-३ को जित दर्ता
गर्दै तेस्रो स्थान पक्का गरेको छ ।
अमेरिकाको
क्यारोलिनामा आइतबार बिहान तेस्रो स्थानका लागि भएको खेलमा उरुग्वेले क्यानडालाई
पेनाल्टी सुटआउटमा ४–३ गोल अन्तरले पराजित गरेको हो ।
सेमिफाइनलमा
उरुग्वे कोलम्बियासँग र क्यानडा अर्जेन्टिनासँग पराजित भएपछि तेस्रो स्थानको
भिडन्तमा उत्रिएका थिए । निर्धारित ९० मिनेटको समयमादुवै टिमले दुई दुई गोलको
बराबरी खेले पछि खेल पेनाल्टी सुटआउटमा गएको थियो ।
सुरुआती
अग्रता उरुग्वेले लिएपनि अग्रता जोगाउन असफल भएको थियो । एक समय पछि परेको
अवस्थामा अतिरिक्त समयका दोस्रो मिनेटमा लुईस सुवारेजले गोल गर्दै खेल पेनाल्टीमा
लगेका थिए ।
आठाैँ मिनेटमा रोड्रिगो बेन्टकुरले
गोल गर्दै उरुग्वेलाई अग्रता दिलाएका थिए । २२ औँ मिनेटमा क्यानडाका स्मेल कोनले
गोल गर्दै खेल एक–एक गोलको बराबरीमा ल्याएका थिए ।
८० औँ
मिनेटमा क्यानडाले अग्रता लिएको थियो । जोनाथन डेभिडले गोल गरेपछि क्यानडा २–१ ले
अघि बढ्यो । तर, अतिरिक्त
समयको दोस्रो मिनेटमा सुवारेजले गोल गर्दै खेल पेनाल्टी सूटआउट लगे र अन्ततः
उरुग्वेलाई नै जिताए ।
·
