काठमाडौ,
असार १४
नेपाली राष्ट्रिय महिला फुटबल टोलीले यसै महिना लेबनानमा हुने भनिएको फोर नेसन्स कप नखेल्ने लगभग निश्चित भएको छ ।
लेबनान फुटबल संघले प्रतियोगिताको तालिका गरिसकेको भएपनि लेबनानमा असुरक्षित रहेको भन्दै टोलीलाई नपठाउनेमा तयारी अखिल नेपाल फुटबल संघ (एन्फा) रहेको बुझिएको छ ।
‘बंगलादेशले पनि भाग नलिने भन्ने सुचना प्राप्त भएको छ । हामीले पनि यो विषय चर्चा गरेका छौं, भोलि एन्फाकाे औपचारिक निर्णय आउनेछ, स्रोतले भन्यो ।
नेपालले २६ गते जोर्डनसँग खेल्दै प्रतियोगिताको सुरुवात गर्ने तालिका थियो । नेपालले दोस्रो खेल बंगलादेशसँग असार २९ गते र अन्तिम खेल साउन १ गते घरेलु टोली लेबनानसँग खेल्ने तालिका थियो। त्यसका लागि नेपाली टोलीको घोषणा पनि भइसकेको थियो।
१४ असार २०८१, शुक्रबार १०:१८ मा प्रकाशित
