काठमाण्डाै, साउन १५
पेरिस
ओलम्पिक २०२४ मा प्रतिस्पर्धा गरिरहेका नेपालका ब्याडमिन्टन स्टार प्रिन्स दाहाल
लगातार दोस्रो खेलमा पनि पराजित भएका छन् । प्रिन्स आयरल्याण्डका नहाट एन्ग्वेन
विरुद्ध सोझो सेटमा पराजित गरेका हुन् ।
विश्व
वरियतान ४३औं स्थानमा रहेका एन्ग्वेन विरुद्ध प्रिन्सको प्रदर्शन खराब रह्यो ।
प्रिन्स २१-७ र २१-५ स्कोर सहित सोझो सेटमा पराजित भएका हुन् । प्रिन्स पहिलो
खेलमा विश्व नम्बर २ भिक्टर एक्सेलसन विरुद्ध २१-८ र २१-६ ले पराजित भएका थिए
।प्रिन्सले अब समूह चरणको अन्तिम खेलमा इजरायलका मिशा जिलबरमन विरुद्ध
प्रतिस्पर्धा गर्नेछन् । समूह विजेता मात्र अर्को चरणमा प्रवेश गर्ने हुँदा प्रिन्स
भने समूह चरणबाटै बाहिरिने लगभग पक्का भएको छ ।
यसअघि
नेपाललाई प्रतिनिधित्व गर्दै पेरिस पुगेका ६ खेलमा ७ खेलाडी मध्य ४ खेलाडी
बाहिरिसकेका छन् । टेबल टेनिसका स्यान्टू श्रेष्ठ, पौडीकी डुवाना लामा, जुडोकी मनिता श्रेष्ठ प्रधान र शूटिंगकी
सुस्मिता नेपाल पहिलो चरणबाटै बाहिरिएका हुन् । पौडीका एलेक्स शाह र एथलेटिक्सकी
सन्तोषी श्रेष्ठले प्रतिस्पर्धा गर्न भने बाँकी रहेको छ ।
