काठमाडौँ , चैत २१
पठाओले कोशी प्रदेशका मुख्य सहरहरुसँगै
मुलुकभर थप १७ सहरमा 'बाइक
राइड' सेवा बिस्तार गर्ने
भएको छ ।
मुलुकभर सेवा बिस्तार गर्ने नीतिअनुसार बागमती प्रदेशको काठमाडौँ उपत्यका र
चितवनमा मात्रै सीमित पठाओको सेवा छिट्टै थप सहरमा उपलब्ध गराउन लागिएको पठाओ
नेपालका प्रबन्ध निर्देशक असिम मान सिंह बस्न्यातले जानकारी दिनुभयो ।
बस्न्यातका अनुसार राइड सेयरिङ सेवाको पर्याय बनेको पठाओको सेवा अब कोशी
प्रदेशका नौ सहरहरु बिराटनगर, दमक, उर्लाबारी, बिराटचोक, इटहरी, इनरुवा, धरान, बिर्तामोड, भद्रपुरमा उपलब्ध
हुनेछ । मधेस प्रदेशको वीरगञ्ज र जनकपुरमा पनि सेवा उपलब्ध गराउने कम्पनीले जनाएको
छ ।
बस्न्यातका अनुसार सेवा बिस्तार गर्न लागिएका सहरमा बाइक राइडर दर्ताको
प्रक्रिया पनि सुरु भएको छ । “राइडर बन्न इच्छुकले नविकरण भएको लाइसेन्स, बिलबुक र
इन्स्योरेन्स कागजात सहित आबद्धताका लागि आवेदन दिन सक्नुहुने छ बस्न्यातले भन्नुभयो
।
