दाङ, माघ २१
दाङमा आमा छाेराकाे हत्या भएकाे छ ।श्रीमती र छोराको हत्या गरेको आरोपमा प्रहरी जवान पक्राउ परेका छन्।
जिल्ला प्रहरी कार्यालय दाङमा कार्यरत ३२ वर्षीय प्रहरी जवान पिमलाल नेपाली पक्राउ परेका हन्।
उनले आफ्नी २२ वर्षीया श्रीमती टीका विक र साढे २ वर्षका छोरा सुशान्त नेपालीको हत्या गरेका हुन ।
पक्राउ परेका नेपालीमाथि अनुसन्धान अगाडि बढाइएको जिल्ला प्रहरी कार्यालय दाङका डिएसपी जनकबहादुर मल्लले जानकारी दिनुभयाे ।
मल्लका अनुसार प्रहरी जवान शनिबार राति कार्यालयबाट बिदा मागेर गएका थिए।
उनी घोराहीको सहिद गेटस्थित सुपरलज होटलमा बसेका थिए।
आइतबार बिहान ७ बजेतिर आपसी विवाद भएपछि सलले घाँटी कसेर श्रीमती र छोराको हत्या गरेको प्रारम्भिक अनुसन्धानबाट खुलेको डिएसपी मल्लले जानकारी दिनुभएकाे हाे । श्रीमती र छोराको हत्यापछि उनी आफैं प्रहरी कार्यालयमा पुगेका बताइएकाे छ ।
