मार्तडी, बैशाख २७
बाजुराको बुढीनन्दा नगरपालिमा विस्फोटक पदार्थ पड्किंदा एक महिलाको मृत्यु भएको छ ।
बुढीनन्दा नगरपालिका–७ सेरकाटियामा घाँस काट्न गएकी ५० वर्षीया काली जैशीको सो घटनामा मृत्यु भएको प्रहरीले जनाएको छ ।
मृतक जैशी, सुजारी पाताल सामुदायिक वनमा घाँस काटिरहेको अवस्थामा विस्फोटक पदार्थ पड्किंदा गम्भीर घाइते भएकी थिइन् । उनलाई उपचारका लागि कोल्टी अस्पताल लगिएको थियो । तर, चिकित्सकले मृत घोषणा गरेका हुन् ।
विस्फोटको कारण खुल्न नसकेको र घटनाबारे आवश्यक अनुसन्धान भइरहेको प्रहरीले जनाएको छ ।
२६ बैशाख २०८२, शनिवार ०८:०६ मा प्रकाशित
