काठमाडैं, वैशाख १७
सिरहामा बालिका हत्या गरेको आरोपमा आमाछोरी
पक्राउ परेका छन् ।
पक्राउ पर्नेमा सिरहा नगरपालिका-१८
जरूवा लक्ष्मीनिया टोल बस्ने ४७ वर्षीया सोना देवी यादव र उनकी छोरी पूजाकुमारी
यादव रहेका छन् । सोनावतीका श्रीमान् धनिकलाल यादव भने फरार छन् ।
छिमेकी रमेश यादवकी तीन वर्षीया छोरी
रिया कुमारीको हत्या गरेको आरोपमा आमाछोरीलाई पक्राउ गरेको जिल्ला प्रहरी कार्यालय
सिरहाका प्रवक्ता मुक्तीनाथ सापकाेटाले बताउनुभएकाे छ ।
प्रहरीका अनुसार गत वैशाख १२ गते बिहान १० बजेतिर घर
अगाडि खेलिरहेकी बालिका हराएकी थिइन् ।
खोजतलासको क्रममा गत वैशाख १४ गते राति साढे ११ बजे छिमेकी धनिकलाल
यादवको घरको छतमा जाने भर्याङ नजिकै बालिकाको शव फेला परेको थियो ।
१६ बैशाख २०८१, सोमबार ११:४४ मा प्रकाशित
