विराटनगर , माघ ११
मोरङको रतुवामाईमा भएको मोटरसाइकल
दुर्घटनामा बिहीबार एकजनाको मृत्यु भएको छ ।
सिजुवातर्फ जाँदै गरेको प्रदेश
१-०१-५० प ८५२२ नम्बरको मोटरसाइकल रतुवामाई नगरपालिका-७ मा अनियन्त्रित भइ आज
बिहान दुर्घटना हुँदा चालक स्थानीय २८ वर्षीय कनैया साहको मृत्यु भएको प्रहरीले
जनाएको छ ।
मोटरसाइकल तीव्र गतिका कारण अनियन्त्रित भइ दुर्घटना भएको हुन
सक्ने प्रहरीले अनुमान गरेको छ ।
मोटरसाइकल नालीमा पल्टँदा
सिकिस्त घाइते भएका साहको उर्लाबारीस्थित मदन भण्डारी अस्पताल एवं ट्रमा सेन्टरमा
उपचारका क्रममा दिउँसो मृत्यु भएको हो ।
१० माघ २०८०, बिहिबार ०३:०९ मा प्रकाशित
