काठमाडौँ, असार १९
रोमानियालाई हराउँदै नेदरल्याण्ड्स युरो कप २०२४ को क्वाटरफाइनलमा प्रवेश गरेको छ । म्युनिखमा गएराति भएको प्रिक्वाटरफाइनल खेलमा नेदरल्याण्ड्सले रोमानियालाई ३-० ले हराएको हो ।
यस्तै, गएराति नै भएको अर्को रोमान्चक खेलमा अष्ट्रियालाई हराउँदै टर्कीले क्वाटरफाइनलमा स्थान पक्का गरेको छ ।जर्मनीको लाइप्जिगमा टर्कीले २-१ को जित निकाल्दै अन्तिम ८ मा स्थान पक्का गरेको हो ।
अब टर्कीले क्वाटरफाइनलमा
नेदरल्यान्ड्सको सामना गर्नेछ । यसअघि नेदरल्यान्ड्सले रोमानियामाथि ३-० को जीत
दर्ता गर्दै अन्तिम ८ मा स्थान पक्का गरेको थियो ।
यो सँगै युरोकपको
क्वाटरफाइनल समीकरण पूरा भएको छ । अब क्वार्टरफाइनलमा स्पेन र जर्मनी, पोर्चुगल र फ्रान्स, नेदरल्यान्ड्स र टर्की तथा
इंग्ल्यान्ड र स्विजरल्यान्ड भिड्ने छन् ।
१९ असार २०८१, बुधबार ०७:१६ मा प्रकाशित
