पाँचथर, पुस २७
पाँचथरको मिक्लाजुङ गाउँपालिका-३ आरुबोटेमा श्रीमान्ले खुकुरी प्रहार गर्दा श्रीमतीको ज्यान गएको छ ।
तुम्वेवा-४ घर भएका असफल कुरुम्बाङले ससुरालीमा आएर खुकुरी प्रहार गर्दा ३५ वर्षीया श्रीमती गोमा फियाकको ज्यान गएको जिल्ला प्रहरी कार्यालय पाँचथरले जनाएकाे छ ।
खुकुरी हतियार प्रहार हुँदा छिमेकी महेन्द्र श्रेष्ठ र गोमाकी आमा कान्छीमाया फियाक घाइते भएका छन् ।
बिहीबार साँझ ८ बजे घरायसी ससुराली घरमा विवाद मिलाउन छलफल भइरहेका बेला कुरुम्बाङले हतियार श्रीमती सासु र छिमेकीलाई हतियार प्रहार गरेका थिए । विवादको विषय भने खुल्न बाँकी छ ।
२६ पुस २०८०, शुक्रबार १२:३१ मा प्रकाशित
