काठमाडौं, भदाै २
साफ यु–२० च्याम्पियनसिप आजबाट सुरु हुँदैछ ।
च्याम्पियनसिप अन्तर्गत समूह चरणका सबै खेल एन्फा कम्प्लेक्समा हुने आयोजक अखिल
नेपाल फुटबल संघ (एन्फा) ले जनाएको छ ।
प्रतियोगिताको उद्घाटन खेलमा आज श्रीलंका र नेपालबीच प्रतिस्पर्धा हुँदैछ । खेल
दिउँसो ३ बजे सुरु हुनेछ ।
यही भदौ १२ गतेसम्म चल्ने साफ यु–२० मा नेपालसहित बंगलादेश, श्रीलंका, भारत, माल्दिभ्स र भुटान गरि ६ देशले भाग
लिँदै छन् ।
समूह ‘ए’ मा नेपाल, बंगलादेश र श्रीलंका तथा समूह ‘बी’ मा भारत, माल्दिभ्स र भुटान रहेका छन् ।
१ भदौ २०८१, आईतबार ०८:५० मा प्रकाशित
